ກອງປະຊຸມຄົບຄະນະບໍລິຫານງານພັກເມືອງຊະນະຄາມຄັ້ງທີ 16 ສະໄໝທີ VII ຂອງອົງຄະນະພັກເມືອງຊະນະຄາມ

ກອງປະຊຸມຄົບຄະນະບໍລິຫານງານ ພັກຄັ້ງທີ່ 16 ສະໄໝທີ່ VII ຂອງອົງຄະນະພັກເມືອງຊະນະຄາມ ໄດ້ໄຂຂື້ນວັນທີ 03 ຕຸລາ 2023 ຢູ່ທີ່ຫ້ອງປະຊຸມໃຫຍ່ ຂອງເມືອງຊະນະຄາມ ພາຍໃຕ້ການເປັນປະທານ ຂອງສະຫາຍ ແກ້ວ ພິມມະວົງ ກຳມະການພັກແຂວງ ເລຂາພັກເມືອງ ເຈົ້າເມືອງໆເມືອງຊະນະຄາມ, ໃນກອງປະຊຸມຍັງໄດ້ເປັນກຽດຕ້ອນຮັບ ສະຫາຍ ດາວເຮືອງ ນັນທະວົງ ກຳມະການປະຈຳພັກແຂວງ ຮອງເຈົ້າແຂວງ ວຽງຈັນ ພ້ອມດ້ວຍການນຳຂັ້ນແຂວງ, ມີຄະນະປະຈຳພັກເມືອງ, ກຳມະການພັກເມືອງ, ເລຂາຄະນະພັກຮາກຖານ ເລຂາໜ່ວຍພັກ ຫົວໜ້າຫ້ອງການ ອ້ອມຂ້າງເມຶອງ ແລະ ເລຂາພັກບ້ານ-ນາຍບ້ານຢູ່ພາຍໃນເມືອງກໍ່ເປັນກຽດເຂົ້າຮ່ວມຢ່າງພ້ອມພຽງ.
ໃນກອງປະຊຸມຍັງໄດ້ຮັບຟັງການ ການເຜີຍແຜ່ເຊື່ອມຊືມຄໍາສັ່ງແນະນໍາ ຂອງຄະນະເລຂາທິການສູນກາງພັກເລກທີ 411/ຄລສພ ລົງວັນທີ 08 ສິງຫາ 2023 ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ 03 ຂັ້ນ ຂອງພັກ; ຄຳເເນະນໍາ ຂອງຄະນະຈັດຕັ້ງສູນກາງພັກເລກທີ 211/ຄຈສພ, ລົງວັນທີ 16 ສິງຫາ 2023, ການຈັດຕັ້ງປະຕິບັດຄຳສັ່ງແນະນຳ ຂອງຄະນະເລຂາທິການສູນກາງພັກ ວ່າດ້ວຍການກະກຽມ ແລະດຳເນີນກອງປະຊຸມໃຫຍ່ 03 ຂັ້ນ ຂອງພັກ; ພ້ອມນີ້ໃນວາລະການດໍາເນີນກອງປະຊຸມດັ່ງກ່າວ ຍັງໄດ້ຮັບຟັງການຜ່ານບົດລາຍງານການນຳພາ-ຊີ້ນຳການຈັດຕັ້ງປະຕິບັດວຽກງານຮອບດ້ານ ຂອງຄະນະບໍລິຫານງານພັກເມືອງຊະນະຄາມໄລຍະ 03 ເດືອນ (7-9) ແລະວຽກງານຈຸດສຸ 03 ເດືອນຕໍ່ໜ້າ; ພ້ອມທັງລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຕິດພັນກັບແຜນງົບປະມານ ແລະຄຸ້ມຄອງລາຍຮັບ-ລາຍຈ່າຍ, ການຈັດຕັ້ງຜັນຂະຫຍາຍ 02 ວາລະແຫ່ງຊາດຕິດພັນກັບການແກ້ໄຂປະກົດການຫຍໍ້ທໍ້ດ້ານຕ່າງໆ ຢູ່ໃນຂອບເຂດຄວາມຮັບຜິດຊອບ ຂອງຕົນ; ໃນກອງປະຊຸມຍັງໄດ້ປະກອບ ຄຳຄິດ-ຄຳເຫັນໃສ່ຮ່າງບົດສະຫຼຸບດ້ວຍຄວາມຮັບຜິດຊອບສູງ ໃນການນຳພາ-ຊີ້ນຳ ຂອງອົງຄະນະພັກເມືອງໃນແຕ່ລະດ້ານຕາມບົດສະຫຼຸບ ຊອກໄດ້ເຖິງດ້ານດີ, ດ້ານອ່ອນ ຂໍ້ຄົງຄ້າງ ພ້ອມກັນແກ້ໄຂບັນດາປະກົດການ ຫຍໍ້ທໍ້ທີ່ເກີດຂື້ນພາຍໃນເມືອງ ທີ່ເປັນບັນຫາກົດໜ່ວງ ການພັດທະນາເສດຖະກິດ-ສັງຄົມ, ໄດ້ຄົ້ນຄ້ວາຊອກຫາ ແລະກຳນົດວິທີການ ທີ່ເທດເໝາະ ຂອງແຕ່ລະຂົງເຂດວຽກງານ ເພື່ອເປັນພື້ນຖານໃຫ້ແກ່ການ ພັດທະນາ ເພື່ອຍົກລະດັບຊີວິດການເປັນຢູ່ ຂອງປະຊາຊົນພາຍໃນເມືອງ ໃຫ້ນັບມື້ນັບດີຂື້ນ ໃຫ້ກ່າວໄປສູ່ ຄວາມມັ່ງຄັ່ງ ເຂັ້ມແຂງ ສັງຄົມມີຄວາມຍຸຕິທຳ ສີວິໄລ.
ໃນຕອນທ້າຍກອງປະຊຸມຍັງໄດ້ຈັດການມອບ-ຮັບ ໃບຢັ້ງຢຶນໜ່ວຍພັກ, ປອດໃສ, ເຂັ້ມແຂງ, ໜັກ ແໜ້ນປະຈຳປີ 2022 ຈໍານວນ 83 ໃບ ໃຫ້ແກ່ບັນດາໜ່ວຍພັກ ໃນທົ່ວເມືອງ ພ້ອມທັງຈັດພິທີມອບ-ຮັບຢ່າງສົມກຽດ.
ພາບ-ຂ່າວ ເມືອງຊະນະຄາມ ແຂວງວຽງຈັນ 020 54823559

You may also like...

Leave a Reply

Your email address will not be published. Required fields are marked *