ພິທີປາຖະກະຖາ 3 ວັນສຳຄັນ ຂອງຊາດ ຂອງພັກ

ໃນຕອນເຊົ້າ ຂອງວັນທີ 12 ຕຸລາ 2023 ຢູ່ທີ່ຫ້ອງປະຊຸມໃຫຍ່ ຂອງເມືອງຊະນະຄາມ ແຂວງວຽງຈັນໄດ້ຈັດງານໂຮມຊຸມນຸມ ໂຄສະນາປາຖະກະຖາ 3 ວັນສຳຄັນ ຂອງຊາດ ຂອງພັກຄື: ວັນສ້າງຕັ້ງສະຫະພັນນັກຮົບເກົ່າຄົບຮອບ 21 ປີ, ວັນຄູແຫ່ງຊາດ ຄົບຮອບ 29 ປີື ແລະ ວັນສ້າງຕັ້ງການທູດລາວ ເປັນກຽດເຂົ້າຮ່ວມໂດຍ ທ່ານ ແກ້ວ ພິມມະວົງ ກຳມະການພັກແຂວງ ເລຂາພັກເມືອງ ເຈົ້າເມືອງໆຊະນະຄາມ, ມີ ທ່ານ ບຸນ ຊ່ວງ ວັນສີ ຄະນະປະຈຳພັກເມືອງ ຮອງເຈົ້າເມືອງໆຊະນະຄາມ, ມີທ່ານ ນາງ ໄກສອນ ອ່ອນລັງສີ ຄະນະປະຈຳພັກ ເມືອງ ປະທານ ແນວລາວສ້າງຊາດເມືອງ, ມີບັນດາກຳມະການພັກເມືອງ, ຫົວໜ້າຫ້ອງການ ພະນັກງານ, ທະຫານ, ຕໍ່າຫຼວດ, ຄູອາຈານ ກໍ່ເປັນກຽດເຂົ້າຮ່ວມຢ່າງຫຼວງຫຼາຍ.
ໃນພິທີດັ່ງກ່າວການນໍາ ຂອງເມືອງໄດ້ມີການຜັດປ່ຽນກັນໄດ້ຂຶ້ນຜ່ານບົດປະຖະກະຖາ 03 ວັນດັ່ງກ່າວເຊິ່ງ ຍົກໃຫ້ເຫັນຄວາມໝາຍ-ຄວາມສໍາຄັນ ຂອງວັນສ້າງຕັ້ງສະຫະພັນນັກຮົບເກົ່າ ໂດຍເປັນວັນປະຫວັດສາດທີ່ມີຄວາມໝາຍ-ຄວາມສໍາຄັນໃນບັນດາຖັນແຖວນັກຮົບເກົ່າ, ພະນັກງານ, ສະມາຊິກພັກຜູ້ສືບທອດ ກໍ່ຄືຄົນຮຸ່ນໜຸ່ມ ທີ່ຈະໄດ້ພ້ອມກັນຫວນຄືນມູນເຊື້ອ ແລະ ຈາລຶກຄຸນງາມຄວາມດີຂອງຄົນຮຸ່ນພໍ່ແມ່, ລຸງ-ປ້າ, ອາວ-ອາຂອງພວກເຮົາ ທີ່ໄດ້ສະຫຼະເພື່ອປະເທດຊາດໃນໄລຍະຕໍ່ສູ້ກູ້ຊາດຕ້ານບັນດາຈັກກະພັດລ່າເມືອງຂຶ້ນ; ພ້ອມນີ້ກໍ່ໄດ້ຜ່ານບົດປະຖະກະຖາວັນຄູທັງນີ້ກໍ່ເພື່ອ ໃຫ້ປະຊາຊົນບັນດາເຜົ່າ ໃນທຸກຊັ້ນຄົນໄດ້ຈາລຶກ ບຸນຄຸນ ຄຸນງາມຄວາມດີ ກະຕັນຍູ ຕໍ່ຄູອາຈານ, ການຈັດຕັ້ງວັນຄູ່ແຫ່ງຊາດຍັງເປັນການເຊີດຊູກຽດສັກສີ ຖານະບົດບາດຂອງຄູ ຕໍ່ສັງຄົມ ປະກອນສ່ວນໃນການສ້າງສາ ພັດທະນາປະເທດຊາດ, ວັນຄູແຫ່ງຊາດແມ່ນວັນໜຶ່ງທີ່ມີປະຫວັດສາດ ຂອງຊາດລາວ, ວັນຄູເປັນວັນແຫ່ງຄວາມເອກອ້າງທະນົງໃຈຕໍ່ກຽດສັກສີຕໍ່ອາຊີບ ແລະ ເປັນວັນແຫ່ງການເສີມຂະຫຍາຍມູນເຊື້ອ ຂອງນາຍຄູ; ນອກຈາກນີ້ກໍ່ຍັງໄດ້ ຜ່ານເອກະສານ ວັນສ້າງຕັ້ງການທູດລາວ ທັງນີ້ກໍ່ເພື່ອເປັນການຮັດແໜ້ນ ເພີ່ມທະວີ ພົວພັນຮ່ວມມືຮອບດ້ານ ກັບປະເທດເພື່ອມິດ, ຍຸດທະສາດ ທັງເປັນການ ສົ່ງເສີມ ຂະຫຍາຍສາຍພັວພັນ ມິດຕະພາບ, ອັນມີມູນເຊື້ອ ແລະ ການຮ່ວມມື ຮອບດ້ານ ກັບປະເທດເພື່ອນມິດ.
ຕອນທ້າຍ ຂອງງານໂຮມຊຸມນຸງດັ່ງກ່າວ ຍັງໄດ້ມີການມອບ-ຮັບ ຂອງຂັວນໃຫ້ ຄູອາ-ອາຈານ ເນື່ອງໃນໂອກາດວັນຄູແຫ່ງຊາດ ພ້ອມທັງຈັດພິທີ ມອບ-ຮັບ ຢ່າງສົມກຽດ.
ພາບ-ຂ່າວ ເມືອງຊະນະຄາມ ແຂວງວຽງຈັນ 020 54823559

You may also like...

Leave a Reply

Your email address will not be published. Required fields are marked *