ສສຊ ແລະ ສສຂ ລົງເຄື່ອນໄຫວວຽກງງານ ຂອງສະພາ ຢູ່ເທດສະບານເມືອງຊະນະຄາມ

ສສຊ ແລະ ສສຂ ລົງເຄື່ອນໄຫວວຽກງງານ ຂອງສະພາ ຢູ່ເທດສະບານເມືອງຊະນະຄາມ
ວັນທີ່ 20 ກັນຍາ 2023 ສສຊ ແລະ ສສຂ ໄດ້ລົງເຄື່ອນໄຫວວຽກງານ ຂອງສະພາຢູ່ທີ່ສາລາວັດບ້ານສີພູມ ທີ່ຂຶ້ນກັບເທດສະບານເມືອງຊະນະຄາມແຂວງວຽງຈັນ, ໂດຍການເຂົ້າຮ່ວມ ຂອງທ່ານ ລຳໄມ ກູດລາວົງ ຄະນະປະຈຳພັກແຂວງ ຮອງປະທານສະພາປະຊາຊົນແຂວງ, ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 10 ປະຈຳແຂວງວຽງຈັນ, ມີທ່ານ ນາງ ໄກສອນ ອ່ອນລັງສີ ຄະນະປະຈຳພັກເມືອງ ປະທານແນວລາວສ້າງຊາດເມືອງ, ມີ ທ່ານ ພັທ ບົວຂາວ ກູດແກ້ວ ກຳມະການພັກເມືອງ ຫົວໜ້າກອງບັນຊາການ ປກສ ເມືອງ ສະມາຊິກສະພາປະຊາຊົນແຂວງງຽງຈັນ ປະຈຳເມືອງຊະນະຄາມ, ມີທ່ານ ນາງ ທົດສະຫວັດ ສົງພະຈັນ ກຳມະການພັກເມືອງ ຫົວໜ້າຫ້ອງການ ພາຍໃນເມືອງ ສະມາຊິກສະພາປະຊາຊົນແຂວງວຽງຈັນ ປະຈຳເມືອງຊະນະຄາມ, ມີບັນດາອົງການປົກຄອງບ້ານ ແລະ ປະຊາຊົນໃນຂົງເຂດເທດສະບານເມືອງຊະນະຄາມ ກໍ່ເປັນກຽດເຂົ້າຮ່ວມຢ່າງພ້ອມພຽງ.
ຈຸດປະສົງໃນການລົງເຄື່ອນໄຫວໃນຄັ້ງນີ້ ເພື່ອເປັນການໂຄສະນາເຜີຍແຜ່ ຜົນສຳເລັດກອງປະຊຸມສະໄໝສາມັນເທື່ອທີ 05 ຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນແຂວງວຽງຈັນ ຊຸດທີ II ໃຫ້ອົງການຈັດຕັ້ງ ຂອງບ້ານ ນັກຮຽນຮູ້ປັນຍາຊົນ, ກຳມະກອນ ແລະປະຊາຊົນບັນດາເຜົ່າໄດ້ຮັບຮູ້ຢ່າງກ້ວາງຂວາງ ແລະ ທົ່ວເຖິງ; ເພື່ອເປັນການປະຕິບັດພາລະບົດບາດ ເປັນຕົວແທນແຫ່ງລັດ ແລະ ຜົນປະໂຫຍດ ຂອງປະຊາຊົນບັນດາເຜົ່າ ພ້ອມທັງຮັບເອົາຄຳຄິດເຫັນ, ຄຳສະເໜີ ແລະ ຄວາມຄັບຂ້ອງໝອງໃຈ ຂອງປະຊາຊົນບັນດາເຜົ່າ ເພື່ອນຳເອົາບັນດາຄຳສະເໜີ ດັ່ງກ່າວມາຄົ້ນຄ້ວາພິຈາລະນາ ແລະ ແຈ້ງຕອບຄືນບັນຫາທີ່ໄດ້ຮັບການຄົ້ນຄ້ວາໃຫ້ແກ່ປະຊາຊົນໃນຕໍ່ໜ້າ.
ພາບ-ຂ່າວ ເມືອງຊະນະຄາມ ແຂວງວຽງຈັນ

ແນະນຳເສັ້ນທາງຊະນະຄາມ

You may also like...

Leave a Reply

Your email address will not be published. Required fields are marked *